Gleðilegt nýtt Kúrbítsár!!

Jæja, þá er þetta bara allt að fara að gerast!
Jólin eru loksins að koma!
Allt að verða tilbúið hérna hjá okkur, allt að verða hreint og fínt, gjafir komnar í jólapappír, jólajkort komin á víð og dreif, jólaskapið í botni!

Þetta verður líklega síðasta færslan á kúrbítnum fyrir jól, líklega verður slökkt á öllu batteríinu yfir heilugustu hátíðarstundirnar. Við notum því tækifærið og..

Óskum öllum þeim sem þetta lesa gleðilegra jóla. Vonandi hafið þið það gott á jólunum í faðmi fjölskyldunnar og vina, það ætlum við að gera!
GLEÐILEG JÓL!!!

H+P

Snilld!

.. er engin önnur en góðvinkona mín hún Unnur, en hún prýðir forsíðu fréttablaðsins í dag ásamt nýfæddum gríslingi 🙂

Prófaði margt nýtt í síðustu viku. Sumt fanst mér frábært og sumt þarf ég að hlusta betur á til þess að mynda mér skoðun. Jeff Who? komu annsi sterkir inn og mæli ég með því að fólk kynni sér þá.. Ég heyrði líka nýja diskinn með Hjálmum og hann er algjört æði! Mér fannst fyrri diskurinn aldrei neitt spes en þessi er algjör snilld. Kanski ég gefi þá gamla disknum séns.. hmm..?
Svo hlustaði ég auðvita á gamla og góða snillinga.. Nick, Bob og U2….

.. sem ég hlakka sérstaklega mikið til að gera um jólin. Það er að lenda í umferðateppu á leiðinni í, á milli og frá kirkjugörðunum í fossvogi og grafarvogi í r árlegu jólaheimsókn okkar systra þangað á aðfangadag. Svo verður örugglega rok og ekki nokkur leið að halda loga í kertinu. Hljómar ekkert spennandi en trúið mér, þetta er frábært. Hlakka til :o)

Nú ætla ég að fá mér kaffisopa.. mér er eitthvað kalt

Jahérna hvað það er stutt í jólin.. hlakka til!
Bakaði í gær dýrindis biscotti. Fékk uppskriftina hjá Birninum og jeddúddamía hvað þetta er gott. Fengum okkur með kaffinu í gærkvöldi. Þetta er fullkomið “með kaffi” nart. Ætla að setja uppskriftina inn á uppskriftavefinn á eftir. Veit ekki hvort ég baki eitthvað meira. Kanski randalínur ef ég man einhverntíma eftir að fá uppskriftirnar hjá mömmu. Þetta eru svona gamaldags röndóttar lagkökur eins og amma mín bakaði. Ótrúlega góðarv önnur brún með hvítu kremi og hin hvít með sultu.. namminamm.. Nenni ekki að baka smákökur. Langar ekkert í. Fæ örugglega smakk þegar ég fer í heimsóknir.. það er alveg nóg.
Hef svo sem ekkert að segja, er bara að bíða eftir jólunum.. lalala..

uppfært: uppskriftin er kominn inn.. kíktu!

Úfff hvað mig kitlar….

Fimm hlutir sem ég ætla að gera áður en ég dey:

– Giftast Heiðu
– Læra að syngja
– Syngja fyrir fullu húsi
– Borða eina matskeið af kanil
– Eignast börn

Fimm hlutir sem ég get:

– Snúið körfubolta á putta
– Keyrt 44 tonna trukk í snargeðveiku veðri
– Borðað hrútspunga
– Hlustað á óperu
– Þekkt muninn á kumquats og litches

Fimm hlutir sem ég get ekki:

– Gefið öllum að borða
– Tryggt heimsfrið
– Borðað óhrært skyr
– Troðið
– Spilað F.E.A.R. með heddfón

Fimm uppáhalds frægar persónur sem heilla mig:

– Bono
– The Edge
– Michael Jordan
– Ómar Ragnarsson
– Dalai Lhama

Fimm orð/setningar sem ég segi oft:

– Nákvæmlega
– Hvað eigum við að hafa í matinn?
– Eru öll þessi bretti í Fjarðarkaup?
– Hvaða númer er á iceberginu?
– Ætla aðeins í tölvu

Fimm hlutir sem ég sé núna:

– Tölvuskjár
– Sími
– Heddfón
– netmyndavél
– Þurrkaðar döðlur

Kitla Bjarna, Þorgeir, Brynjar og Tedda…

Ég held að ég sé að komast í jólaskap. Loksins. Yfirleitt er ég komin í mikið jólaskap bara strax í byrjun desember en þetta árið hefur það eitthvað láttið á sér standa. Jólaskapið kom í gær þegar ég keypti mikilvægustu jólagjöfina, handa Pétri. Við erum annars búin að kaupa eitthvað af gjöfum, búin að skrifa jólakort, búin að hengja upp seríur, búin að búa til jólakonfekt, búin að baka piparkökur og alskonar annað jóla.. tíu dagar til stefnu. Ég hlakka mikið til, sérstaklega þegar Pétur opnar pakkann sinn frá mér. Hlakka líka til að fara að kaupa jólatré. Við höfum hingað til alltaf keypt íslenskt rauðgreni, svona sem missir allar nálarnar vel fyrir áramót. Í fyrra keyptum við frekar lítið og væskilslegt tré, svolítið vanskapað í laginu, algjört grey. Okkur fannst það langflottast!

Elías bróðir kitlaði mig. Hér kemur það:

Fimm hlutir sem ég ætla að gera áður en ég dey:
– Fara í heimsreisu
– Giftast Pésa
– Eignast barnabörn
– Spjalla við Bono yfir góðum kaffibolla
– Geta gert 50 armbeygjur (venjulegar)

Fimm hlutir sem ég get:
– Gert 25 armbeygjur (á hnjánum)
– Verið ein með sjálfri mér án þess að leiðast
– Eldað góðan mat
– Hlustað endalaust á tónlist
– Borðað súkkulaði

Fimm hlutir sem ég get ekki:
– Notað tannstöngla úr tré
– Munað að loka á eftir mér
– Horft á auglýsingar í sjónvarpi
– Staðið kyrr
– Hallað mér yfir svalahandriðið

Fimm uppáhalds frægar persónur sem heilla mig:
– Bono
– The Edge
– Larry Mullen jr.
– Adam Clayton
– Nick Cave

Fimm orð/setningar sem ég segi oft:
– Hvað eigum við að hafa í matinn?
– æh, skiluru hvað ég á við?
– Einmitt
– Sko
– Ég elska þig

Fimm hlutir sem ég sé núna:
– Bósi Ljósár
– Stúdentshúfan mín
– Blómstrandi jólakaktus sem Kolla gaf mér í fyrra
– Gamalt strá
– Morgunverðardisk og glas sem ég á eftir að vaska upp

Þannig var nú það. Ég ætla að kitla Pétur, Kollu, Björninn, Helgu og Freyju.