það sem heldur aftur af mér í blogginu þessa dagana er vinna vinna og aftur vinna.. klikkað að gera hjá mér þessa dagana og alla þá næstu! Ég fékk að vísu fjóra daga í frí í þarsíðustu viku sem ég nýtti í 4ra daga gullfoss og geysi.. og þá er ég ekki að meina þessa á suðurlandinu 😐 lovely.. Pétur fékk líka 4ra daga gullfoss og geysi núna síðustu helgi þannig að þetta er búið að vera æði..

nú þarf ég hinsvegar að fara að borða Korma kjúkling sem Pétur var að elda handa mér..
stutt varð það í þetta skiptið :o)

Hversu fyndið er það að björgunarsveitin Kyndill sé að aðstoða við að slökkva sinueld?

Jæja…nú er ég búinn að liggja veikur heima síðan á föstudag. Æla og hiti með dass af magakrömpum. Þetta er komið gott. Maður getur orðið nett pirraður á þessu hangsi. Var að horfa á shrek 3 áðan. Ansi fyndið stöff. Svona fín vídjómynd, eða svona sunnudagsbíómynd með litlum frændum eða frænkum 🙂 Annars var nú hugmyndin hjá mér að nota þennan dag í lestur. Er að klára bókina Cell eftir meistara Stephen King. Þá bíða eftir mér 2 aðrar bækur sem eru The kite runner eftir Kahled Hosseini og Forever odd eftir Dean Konntz. Spennandi tímar framundan. Svo ég stökkvi nú úr einu í annað…haldiði að það hafi ekki verið bakkað á bílinn okkar á fimmtudaginn. Einhver eðalhálfviti á landkrúsernum sínum sá ekki litla bílinn og bara negldi stuðaranum í bílstjórahurðina. Hurðin, rúðan og spegillinn ónýtur. Algjörlega frábært. Má nú samt eiga það þetta úrvalsfífl að hann lét vita. Hefði getað stungið af. Segi ekki meir…

Moggablogg er gebba plebba.

Já heillin..
Originally uploaded by kúrbítur púnktur net.

Komin heim í heiðardalinn! Aaahh ferskt nesjaloftið :o)

Já…ég vissi þetta allan tímann. Annars var ég að hlusta á ansi “skemmtilegan” þátt á útvarpi sögu einn morguninn. Þar var einmitt verið að ræða flutningabíla og tilverurétt þeirra á þjóðvegum Íslands. Kom þar margt áhugavert uppá pallborðið. Ber þar helst að nefna þegar hún Arnþrúður Karlsdóttir kom með þann skemmtilega punkt að flutningabílstjórar ættu að víkja betur og hægja á sér þegar þeir mæta minni bílum. Hefur hún ekið á þjóðvegi 1 úti á landi? Held ekki. Þar er vegurinn yfirleitt ekki nema breidd flutningabílsins og býður ekki uppá að maður geti vikið fyrir minni bílum. Ef manni dytti í hug að reyna að víkja, getur maður átt það á hættu að kanturinn gefi sig (hreinlega brotnar undan þunga bílsins) og þú veltir flutningabílnum. Frekar held ég að það væri nú sniðugra að litlu bílarnir sem eru svona í kringum 1 og uppí 3 tonn, víki nú bara frekar. Næ ekki uppí það þegar fólk bullar svona í útvarpið. Úfffff…varð bara að koma þessu frá mér, verandi gamall flutningabílstjóri. Svakalega eru þetta flippaðir kæjakræðarar sem fundust grillandi við ströndina. Sendu bara póst á vitlaust netfang til að láta vita af sér og voru svo svaka hissa þegar þau sáu allt fólkið sem var að leita að þeim. Guð minn góður…

< tilkynning >

Nýjasta nýtt á uppskriftavefnum mínum fína er ótrúlega spennandi og girnileg uppskrift af afrískum kjúklingi. Það var hún Helga Rún pæja sem sendu mér hana alla leið frá Álaborg!

Ég hvet alla sem vettlingi geta valdið að nýta sér þetta einstaka tækifæri til að fá sér þetta geggjaða gúmmelaði í matinn.

< / tilkynning >

Þessi vinnudagur er búinn að vera einn sá erfiðasti sem ég hef bara upplifað.. hann byrjaði á því að harði diskurinn í tölvunni minni hrundi. Það má samt alveg segja grínlaust að það hafi verið það hafi verið minnsta vesenið í dag..

Mikið var ég glöð þegar ég var komin heim. Pési minn eldaði handa mér himneskt spaghetti og ég fór í himneska sturtu. Nú vorum við að enda við að horfa á ansi hressa bíómynd og ég er alveg endurnærð núna þegar bakvaktin er að byrja..

jæja jæja.. þá er allt þetta þrítugsafmælis stúss að baki og þetta dagsins daglega tekið við að nýju. Það er ljúft. Afmælishelgin mín var alveg frábær! Öll þið sem komuð við sögu, bara takk kærlega fyrir mig! Þið eruð æði og ég er í skýjunum :o)

Ég er nú byrjuð að vinna eftir vaktatöflu í vinnunni. Já, sumarvertíðin er skollin á og hún byrjar með stressi. Ég að sjálfsögðu byrja á bakvaktinni. Verð á bakvakt alla vikuna og fram á næsta mánudag! Sem þýðir að ég svara neyðarsímanum þegar einhver af okkar túristum er strandaglópi einhversstaðar með sprungið dekk eða án hótelrúms eða eitthvað annað álíka skemmtilegt vesen. Það er vægast sagt stressandi get ég sagt ykkur. Ég var alveg með kvíðahnút í maganum í allt gærkvöld og svaf mjög illa í alla nótt því ég var svo mikið að bíða eftir að einhver myndi hringja. Sem svo gerðist ekki. Í kvöld verð ég svo á vakt niðri á skrifstofu til klukkan tíu og á neyðarsímanum eftir það. Veit ekki alveg hvort mér finnst þetta sniðugt..

Þetta á eftir að vera forvitnilegt sumar.. ef það kemur þá einhverntíma sumar! Hvað er eiginlega málið með rokið og rigninguna?