Category Archives: uppskriftir

Pasta með grískum kjötbollum

pasta

Þetta þarftu: 5oogr nautahakk, salt, pipar, 1msk hveiti, 2msk tómatkraftur, 2msk jógúrt án ávaxta, 1msk laukur (hehe), 1búnt steinselja, ólífuolía, grænt pasta (tagliatelle til dæmis), sítróna. Sósa: 2dl jógúrt án ávaxta, 2 hvítlauksgeirar, steinselja

Svona gerirðu: Blandið hakkinu saman við krydd, jógúrt (2msk), hveiti og tómatkraft. Rífið lauk (eða saxið mjög smátt) og saxið steinselju smátt (geymið uþb 1msk útí sósuna). Bætið útí og blandið vel saman. Hnoðið litlar bollur úr deiginu og steikið í olíu. Sjóðið pasta og látið vatnið renna vel af því. Blandið smá ólífuolíu við pastað. Sósa: Merjið hvítlauksrif og blandið saman við restina af jógúrtinu. Kryddið með salti, pipar og steinselju.

Að lokum: Ólífuolían sem er sett út á pastað gefur því sérlega góðan ólífukeim. Pastað er borið fram með kjötbollunum ofan á og slettu af sósu (eða bara sósa on the side). Einnig er gott að hafa sítrónubáta með og kreista yfir. Þennan rétt hef ég aldrei eldað sjálf en Pétur eldaði þetta handa mér fyrir stuttu síðan og þetta verður pottþétt eldað aftur því þetta er rosalega gott! Uppskriftina fékk hann úr bókinni Af bestu lyst 2 sem þýðir að þetta er líka hollt :) Sósuna væri hægt að nota með allsonar réttum, tildæmis sem ídýfa eða bara ofan í bakaða kartöflu! HB

Nigellu súkkulaðibomban

almennt, kökur, uppskriftir

 

 

þarftu: Kakan: 200gr hveiti, 1/2 tsk matarsódi, 50gr kakó, 275gr sykur, 175gr ósaltað smjör, 2 egg, 1msk vanniludropar, 80ml sýrður rjómi, 125ml sjóðandiheitt vatn, dökkir súkkulaðidropar og dökkt súkkulaði skorið í spæni. Súkkulaðisýróp: 1 teskeið kakó, 125ml vatn, 100gr sykur.

Svona gerirðu: Hitið ofninn í 170°C. Hyljið bökunarformið (21x11x7,5 cm svona svipað og jólakökuform) að innan með bökunarpappír. Hrærið saman smjör og sykur í skál svo eggjum saman við. Bætið þurrefnunum út í, hveiti, kakói og matarsóda og hrærið. Þar á eftir setijið þið sýrða rjóman út í og vanilludropana. Hrærið vel saman. Að síðustu er sjóðandi heitu vatninu hrært saman við og súkkulaðidropunum. Hellið deiginu svo í formið og bakið í miðjum ofni í svona klukkustund. Þegar um það bil 15 mínútur eru eftir af bökunartímanum er gott að byrja á sýrópinu. Hrærið saman í potti vatnið, sykurinn og kakóið og látið sjóða í um 5 mínútur eða þangað til að það er orðið að dökku súkkulaðisýrópi. Þegar bökunartíminn er liðinn takið þá klökuna út og stingið í hana á nokkrum stöðum með prjóni. Prjónninn á að koma nokkuð hreinn út, en það er samt í fínu lagi að kakan sé svolítið rök. Hellið sýrópinu svo yfir kökuna og reynið að láta hana drekka vel í sig í gegnum götin. Það er allt i lagi að eitthvað leki meðfram henni svo lengi sem hún drekki eitthvað í sig líka. Látið kökuna kólna alveg í forminu. Takið kökuna þá úr forminu og fjarlægið bökunarpappírinn. Komið forminu fyrir á diski eða platta. Skerið þá þykkt súkkulaði í spæni og stráið yfir kökuna og berið hana fram.

Að lokum: Þetta er algjörlega guðdómlega syndsamleg súkkilaðikaka. Ótrúlega góð og einföld í bakstri og rosalega mjúk. Ég sá hana í þætti hjá henni Nigellu og bara varð að smakka hana. Hún heitir þar Quadruple chockolate cake. Nigella hrærir kökuna bara saman þannig að hún setur allt draslið bara í matarvinnsluvél og hrærir. Ég myndi líka gera það ef ég ætti matarvinnsluvél því þá er þetta ennþá einfaldara. Vitaskuld borðar maður rjóma með þessari köku og drekkur helst sterkt og gott kaffi með. Kakan skilur eftir sig himneska súkkulaðivímu.. Ég á sko pottþétt eftir að baka þessa köku oft oft í framtíðinni.. Algjör uppáhalds kaka. HB

Gentse Waterzooi

kjúklingur, súpur, uppskriftir

Þetta þarftu: 3 blaðlaukar, 3 sellery stilkar, 1 góður poki af gulrótum, 1 kúrbítur, 1 góður laukur, 3-4 hvítlauksgeirar, 3-4 kjúllabringur, 1 búnt kerfill, 1 búnt fersk steinselja, 1 pottur rjómi, salt og pipar, 2 kjúklingateningar, lárviðarlauf

Svona gerirðu: Byrjað er á því að sjúða kjúllann í potti með smá piparkornum, lárviðarlaufi og ólífuolíu. Þegar hann er tilbúinn þá skuluð þið hella vatninu af og láta kjúllann kólna. Saxið svo allt grænmetið. Síðan er málið að ná sér í stóran og góðan pott og svissa grænmetið allt saman (samt ekki steinseljuna og kerfilinn) þannig að það verði mjúkt. Laukurinn/blaðlaukurinn má allsekki verða brúnn þannig að keep the heat down. Þegar alltsaman er orðið vel mjúkt og gott er ca 1,5 lítra af vatni hellt útí pottinn, hendið líka teningunum útí og látið suðuna koma upp og svo malla í nokkrar mínútur. Hversu lengi fer bara eftir því hvað þið viljið hafa gulræturnar krönsí. Síðan er kjúllanum bætt út í og smakkað til með salti og pipar (fullt af pipar). Svo rétt áður en ykkur langar að borða gúmmelaðið þá skellið þið steinseljunni og kerflinum útí ásamt rjómanum. Passið bara að sjóða ekki rjómann.

Toggi snillingur

Að lokum: Þessi uppskrift er frá snillingnum honum Þorgrími bróður mínum. þetta er sko belgískur matur eins og hann er eldaður í Gent þar sem snillingurinn býr í góðu yfirlæti. Ég smakkaði þetta fyrst í sumar þegar hann eldaði þetta handa okkur á Hraunhólnum. Þetta sló heldur betur í gegn hjá mér og Pésa og við eldum þetta oft. Það er líka hægt að nota heilan kjúkling í staðinn fyrir bringur. það er soldið meira moj því þá þarf að taka af honum skinnið og beinin þegar maður er búinn að sjóða hann. Mér finnst líka best að skera allt grænmetið í svona mjóar ræmur og tæta kjúklinginn niður eftir suðuna í staðinn fyrir að skera hann í bita.. en svona er ég nú skrítin. Svo nota ég líka alltaf matraeiðslurjóma en ekki venjulegan, til að passa línurnar. Allavega þá er þetta algjörlega æðislegur matur og alveg bráðhollur og bara mega gebba ógó þroskó mongó mikil snilld! Takk fyrir mig Toggi minn :)

Pestókjúklingur

almennt, kjúklingur, uppskriftir

Þetta þarftu: 4-5 vel þroskaða tómatar, 4 msk pestó (venjulegt grænt), skvettu af ólífuolíu (extra virgin, 1/2 dl rauðvín, 2 kjúklingabringur (skinn- og beinlausar) og 50-75g fetaost.

Svona gerirðu: Hitið ofnin í 200°C. saxið tómatana frekar smátt og setið þá í eldfast mót. Hrærið svo 1 msk af pestói, ólífuolíu og rauðvíninu saman við og saltið og piprið. Ýtið svo tómötunum út til hliðanna. Smyrjið kjúllann á báðum hliðum með afgangnum af pestóinu og setjið hann svo í miðjuna á fatinu. Fetaosturinn er svo mulinn yfir allt saman og rétturinn bakaður í ofni í svona 20mín eða þangað til að kjúklingurinn er steiktur í gegn.

Að lokum: Þetta er svaka góður kjúklingur og ótrúlega einfalt að elda hann. Uppskriftin er upprunalega fengin úr Gestgjafanum en í hvert skipti sem ég elda hann prófa ég eitthvað nýtt. Haf til dæmis bætt við ólífum og furuhnetum, líka papriku og bara allskonar. Þetta er sérlega góður réttur í rómantískan kvöldverð fyrir tvo því svo drekkur maður auðvitað afganginn af rauðvíninu með. Ef þið eruð í stuði þá er gott að borða nýbakað brauð með þessu og mæli ég þá auðvitað með Massa brauði Kollusætu :)

Biscotti Bjössi

kökur, uppskriftir

Þetta þarftu: 300 g hveiti, 1 1/2 tsk lyftiduft, 1 tsk kanill, 1/2 tsk salt, 125 g mjúkt smjör, 100 g púðursykur, 125 g sykur, 1 msk skyndikaffiduft, 2 egg, 50 g grófsaxaðar hnetur, 185 g suðusúkkulaði, saxað

Svona gerirðu: Hitið ofninn í 165°C og leggið bökunarpappír á ofnplötuna. Sigtið saman hveiti, lyftiduft, kanil og salt í skál. Þeytið saman smjörið, púðursykurinn, sykurinn og kaffiduftið þar til blandan verður ljós og létt. Bætið eggjunum út í, einu í senn, og þeytið í tvær mínútur. Bætið hnetunum og súkkulaðinu út í og hrærið.  Setjið þurrefnin út í og hrærið varlega. Hvolfið deiginu á hveitistráða borðplötu og skiptið því í tvennt. Formið tvo aflanga 2 sm þykka hleifa úr deiginu og leggið á bökunarpappírinn. Bakið í 25 mín. Takið hleifana úr ofninum og látið standa í 5-7 mín., leggið á bretti og skerið í 12 mm þykkar sneiðar.  Leggið sneiðarnar varlega með spaða á bökunarpappírinn og bakið í 10 mín., snúið sneiðunum og bakið í aðrar 10 mín.  Leggið kökurnar á rist og kælið vel áður en þær eru settar í lokað ílát. Að sjálfsögðu voru engin egg notuð á Meistaravöllunum, heldur var smá mjólkurslurk bætt út í deigið í lokin, plús örlítið meira lyftiduft en gefið er upp, kannski 2 til 2 1/2 teskeið í stað 1 1/2

Að lokum: Eins og nafnið gefur til kynna þá fékk ég þessa uppskrift hjá honum Bjössa. Að sjálfsögðu voru engin egg notuð hjá honum á Meistaravöllunum, heldur var smá mjólkurslurk bætt út í deigið í lokin, plús örlítið meira lyftiduft en gefið er upp, kannski 2 til 2 1/2 teskeið í stað 1 1/2. Það er ekkert erfitt að baka þetta, maður þarf bara soldið mikið að fylgjast með klukkunni. Þetta Biscotti er best í heimi. Syndsamlega gott. 16.12.05 HB

Fyrirtaks morgunbollur

brauð, uppskriftir

Þetta þarftu: 13dl hveiti, 3dl hveitiklíð, 1msk sykur, 1tsk salt, 1bréf þurrger, 6dl volg undanrenna, 2msk matarolía

Svona gerirðu: Blandið saman þurrefnum og geri (skiljið samt soldið eftir af hveitinu til að hnoða upp seinna). Hellið olíu og undanrennu útí deigið (gerið svona holu fyrst) og hrærið vel með sleif (deigið má vera soldið blautt). Látið svo hefast í hálftíma á hlýjum stað. Hnoðið svo afgangshveitinu í ef þess þarf. Mótið tvær jafnlangar lengjur úr deiginu og skiptið hvorri lengju í 10 jafnstóra bita sem þið mótið úr bollur og raðið á bökunarplötu. Látið hefast aftur, nú í 15-20 mínútur. Pennslið svo bollurnar með mjólk og skellið í ofninn, 200° í 15 mínútur.

Að lokum: Enn ein uppskriftin úr bókinni góðu (Af bestu lyst). Ég bakaði þetta í gær í hádegismatinn og úr varð sérlega vel heppnaður bakstur verð ég að segja :) Ég setti samt ekki hveitiklíð (það var ekki til í búðinni) svo ég setti bara heilhveiti í staðinn. Það var bara mjög gott. Borðuðum þetta með osti og jarðaberjasultu og það var æði. Í dag fékk ég mér svona bollu í hádeginu og viti menn, hún var ennþá mjúk og bragðaðist sérdeilis prýðilega með skinku, osti og tómötum.

Kollu kjúklingur

gestakokkur, kjúklingur, uppskriftir

Gestakokkurinn er Kolla

Kolla sæta kát og glöð í Nesjunum

Þetta þarftu: 1 kjúklingur, ferskar kryddjurtir t.d. basillikum og steinselju og rósmarin, 1 sítróna, ólífuolía, salt og pipar.

Svona gerirðu: Ok.. svona gerir maður.. Byrjar á því að losa skinnið frá bringunum, það hangir reyndar við bringubeinið en það er allt í lagi, það koma bara þá svona skinnvasar á bringuna á kjúllanum. Svo saxar maður basil og steinselju, lætur smá ólifuolíu leka ofan í bringuvasana og smá salt og svo bara treður maður kryddjurtunum ofaní og makar og nuddar þetta út um allt. það fer smá krydd útfyrir en það er allt í fína. Svo sker maður sítrónuna í tvennt og treður henni inn í kviðarholið á kúllanum. Ég reyndar set bara alltaf hálfa  sítrónu, hef bara ekki komið heilli sítrónu inní, það er svo lítið pláss.. og svo setur maður eina eða tvær rósmaríngreinar inní líka svo sítrónunni leiðist ekki. Núhh.. þá er komið að þvi að ‘sauma’ fyrir gatið, ég reyndar geri það ekki, ég bara tylli, ja, eða flæki löppunum saman við lausa skinnið sem er yfirlett framaná.. æ þú veist.. þá lokast allveg fyrir gatið.. Að öllu þessu loknu er bara að nudda, pensla eða maka kjúllan í ólífuolíu og krydda hann allan með salti og svörtum pipar.. svo sker maður svona í lærin svo þau verði jafn vel elduð og bringan.. og ég maka nú smá kryddjurtum þar líka, það er voða gott.. Svo setur maður kjúllann inn í ofn, maður á að hita plötuna, skúffuna eða formið fyrst, svo setur maður kjúllann inn, fyrst vinstri bringuna niður og steikir í 5 mín, svo hægri bringuna og steikir í 5 mín, nú eða hægri fyrst og vinstri svo, ekki alveg aðalmálið..  og svo leggur maður kjúllann á bakið og steikir hann í klukkutíma.. og þá er hann reddí. Best er að kjúllinn sé svo mikið eldaður að hann hreinlega leki af beinunum.. slurp.

Að lokum: Það er ógó gott að hafa kartöflubáta í ofni með þessu, ég set bara kjúllan á ofnplötu, mínar plötur eru þannig að þær eru smá svona djúpar þannig að fitan lekur ekki út um allt.. og svo set ég kartöflurnar bara í ofnskúffuna og inn í ofn og græja þetta allt í einu.. ekkert mál ef maður er með blástur.. og náttúrulega salat og fetaost og svona.. rauðvín er alltaf gott með öllu, ef það passar ekki, nú þá passar örugglega bara að hafa hvítvín… :)
Palli segir að þetta sé besti kjúlli í heimi!!! ekkert flóknara en það .. verði ykkur að góðu krúttin mín.

kv. Kolla

Gróu terta

kökur, uppskriftir

Þetta þarftu:1 svarmpbotn (heimabakaðan eða bara tilbúinn úr búðinni), 1 marensbotn (einnig hægt að baka eða kaupa í búð), hálfdós perur. Krem: 100g síríus konsum suðusúkkulaði, hálfpottur þeyttur rjómi, 3 eggjarauður, 2 msk sykur.

Svona gerirðu: Þeytið saman eggjarauður og sykur, bræðið svo suðusúkkulaðið og hrærið saman við og svo líka mestöllum þeytta rjómanum. Setjið perurnar ofan á svampbotnin og blaytið í með safanum. Smyrjið smá rjóma yfir perurnar og líka smá slettu af kreminu. Setjið svo marensinn ofan á og þekið hann með afgangnum af kreminu. Geymið tertuna í ísskáp til næsta dags og sreytið hana þá með einhverju góðu.

Að lokum: Ég skellti í eina svona tertu fyrir saumaklúbb sem ég var með um daginn. Ég keypti að sjálfsögðu bara botna og skreytti tertuna með nóakroppi og rifsberjum sem virkaði ágætlega. Þetta var svakagóð terta en það gekk á ýmsu þegar ég var að gera hana því ég er ekkert sérlega reynd í tertugerð.. en hey, bragðið er aðalatriðið! HB

Fiskréttur að hætti Lúlla Lauks

fiskur, gestakokkur, uppskriftir

Gestakokkurinn er Tryggvi

Tryggvi Már í Suðurlandsferð vorið 1999

Þetta þarftu: Slatta af ýsu, lausa í roði og beinum, 1/2-1 lauk, 2 hvítlauksrif, túmat, rifinn ost, cajun krydd, ólívuolíu og eldfast mót. Borðist með hrísgrjónum og soya

Svona gerirðu: Skellir cajun kryddi á ýsuna bak og fyrir og lætur hana svo á botninn á mótinu.. Laukinn og hvítlaukinn í múlínexinn og í tætlur… sem dreifist yfir ýsuna. Svo er túmaturinn skorinn í skeiðar og lagður yfir … oggulítil ólífuolía yfir allt saman… og að lokum ostinum stráð yfir. heila klabbinu svo skellt í upphitaðann ofn á 175° í 10-15 mínútur og síðan er bara að gúffa í sig.

Að lokum: Lúmskt gott að sáldra steiktum lauk yfir þegar maður er búinn að fá sér á diskinn. Í indónesíu er t.d. steiktur laukur rosalega vinsæll með hrísgrjónum og eiginlega ómissandi eftir að maður kemst upp á lag með það. Hinsvegar er varhugavert að neyta mikið af þessum rétti fyrir mikilvæg mannamót… en hann virkar samt ágætlega við kvefi ;)

Enn að lokum: Þessi réttur er niðurstaða mikillar þróunarvinnu þar eð í fyrstu borðaði ég ekki hvítlauk og fannst ýsa vond, en Björt fannst laukur vondur… einhvernveginn þá kombinera hinsvegar öfgarnar svona hreint út sagt ágætlega saman :)
Kveðja frá Hollandi, Tryggvi Már gestakokkur

Fiskréttur sumarsins 2004

fiskur, uppskriftir

Þetta þarftu: 700gr ýsa, roðlaus og beinlaus, spínat, 1-2 græn epli eða jonagold, karrý, paprika, rækjur, rjómi, kúskús, kjúklingateningur, einhver grænmetisblanda (gott að nota einhverja wokblöndu eða bara saxa sjálf eitthvað niður)

Svona gerirðu: Hyljið botninn á álbakka með spínati og raðið fiskinum þar yfir. Kryddið fiskinn með karrý. Skerið svo eplið í báta og paprikuna i bita og dreifið yfir fiskinn, já og rækjunum líka. Hellið svo rjóma yfir alltsaman (samt ekki þannig að hann hylji alltsaman, bara svona temmilega mikið). Lokið svo álbakkanum með álpappír og skellið þessu á grillið þangað til fiskurinn er soðinn. Á meðan fiskurinn er á grillinu mýkið þá grænmetisblönduna í potti. Hellið svo vatni (250ml) yfir og setjið einn kjúklingatening útí. Setjið svo kúskús-ið útí (250gr) og hrærið og látið það drekka í sig vatnið. Borðið svo með fiskinum

Að lokum: Þetta er algjör snilld! Uppskriftin er sko upphaflega þannig að fiskurinn er grillaður í svona álpappírs böggum (einn skammtur í bagga) en mér (okkur pabba) finnst fínt að elda þetta svona í einum bakka og hafa kúskús með. Safinn/soðið af réttinum helst svo vel í og það er geggjað áð láta kúskúsið drekka í sig safann/soðið. Pabbi eldaði þetta svo oft þegar ég var fyrir austan sumarið 2004 og við bara fengum ekki nóg.. Einfalt, fjlótlegt og geggjað gott! HB